Beredskapsoppgåver ved internasjonale flyplassar og hamner i Noreg.

Helsedirektoratet har utpeika Ullensaker, Bergen, Oslo og Tromsø kommunar som ansvarlege for særskilte beredskapsførebuingar ved internasjonale flyplassar og hamner i Noreg.
Bakgrunnen for at kommunane er blitt utpeika, er krav som er stilt i det internasjonal helsereglementet (IHR). Føremålet er å førebygge og motverke internasjonal spreiing av smittsam sjukdom og sikre ei internasjonal koordinert oppfølging.

Helsedirektoratet sin kriseplan.

Under ei nasjonal krise med store helseutfordringar er det sannsynlig at Helse- og omsorgsdepartementet blir leiardepartement. Men det er Helsedirektoratet som får det koordinerande ansvaret.

Helsedirektør Bjørn-Inge Larsen bestemmer når Helsedirektoratets egen kriseplan trår i verk. [Foto Geir Hopen Nødset].

I Overordna nasjonal helse- og sosialberedskapsplan ber Helse- og omsorgsdepartementet (HOD) Helsedirektoratet være forberedt på å handtere den overordna krisehandteringa.

Det betyr at rapporteringslinjene går via primær, spesialist og andre nivå 2 etater via Helsedirektoratet til HOD. Når HOD er leiardepartement, og «eig» krisa, kan dette ansvaret innebere koordinering av alle sektorar i norske samfunnsliv.

Eit eksempel på ei krise med omfattande helseperspektiv kan være ein pandemi.